Një vehabit djeg xhaminë në Bruksel, vdes Imami

Sulmi me koktej Molotovi ndaj një xhamie, në lagjen Anderleht në Bruksel, si pasojë e të cilit sulm ka humbur jetën Imami i xhamisë, është ndërmarrë nga një vehabit, ka njoftuar policia belge.

Imami 47 vjeçar ka vdekur, në momentin kur kishte tentuar të shuante zjarrin, i cili kishte shpërthyer pas hedhjes së shishes me benzinë në xhaminë, në të cilën tubohen myslimanët shiitë, ka konfirmuar ministri i Brendshëm belg, Joel Milke.

Sulmuesi është arrestuar, por emri i tij nuk është bërë publik për opinionin.

Policia njoftoi se sulmuesi është pjesëtarë i lëvizjes salafiste dhe se ka djegur xhaminë, nga dëshpërimi për shkak të situatës aktuale në Siri.

Ithtarët e presidentit të Sirisë, Baschir Al Assad, janë kryesisht nga radhët e sektit shiit të alavitëve, ndërsa kryengritësit i takojnë degës sunite të islamit, krahun ekstrem të së cilit e përbëjnë vehabitët.

Sulmi ka ndodhur të hënën në mbrëmje, kur sulmuesi me sëpatë theu xhamin e xhamisë dhe hodhi brenda koktejin e Molotovit.

Përpos Imamit, i cili vdiq, edhe një person tjetër ka pësuar lëndime, por më të lehta.