Një zbulim sensacional për paralajmërimin në kohë për tërmetet

Një studim i bërë së fundmi ka treguar se atmosfera direkt mbi epiqendrën e tërmetit vrastar në Japoni ishte nxehur së tepërmi ditët përpara se të ndodhte tragjedia. Përpara tërmetit të 11 marsit, sasia totale e elektroneve në pjesën e sipërme të atmosferës, të quajtur jonosferë, ishte rritur në mënyrë të ndjeshme, duke kapur maksimumin tre ditë përpara se tërmeti të godiste. Mendohet se lëvizjet e tokës shkaktojnë lëshimin e sasive të mëdha të gazit radon. Mendohet se ky proces shkakton nxehtësi. Shkencëtarët e NASA-s mendojnë se ky është një shans i mirë për të paralajmëruar në kohë tërmetet.