Njesimi i diplomave, kriteret qe duhet te plotesohen Sonila Isaku
Nxenesit apo studentet, te cilet kane perfunduar studimet jashte vendit, por edhe ata te huaj duhet t'i nenshtrohen kushteve te reja per njehsimin e diplomes. Ministria e Arsimit, ne udhezimin me te fundit te saj, ka parashikuar te gjitha kushtet dhe kriteret qe duhet te plotesohen. Keshtu per shqyrtimin e kerkesave te shtetasve shqiptare dhe te huaj qe kane diplomen e shkolles se mesme te fituar jashte shtetit, ne lidhje me njehsimin e dokumenteve shkollore, ngrihet nje komision i posacem ne MASH. Per te kryer kete proces te gjithe personat qe deshirojne te kryejne proceduren duhet te dorezojne edhe dokumentet si deftesa, se bashku me listen e notave, fotokopje nje dokumenti identifikimi dhe per shtetasit e huaj leje qendrimi. "Shtetasit shqiptare apo te huaj, qe kane fituar diplome te shkolles se mesme jashte shtetit, dhe duan te ndjekin programet e studimit universitare dhe jouniversitare ne institucionet e arsimit te larte (IAL) ne vend, duhet te paraqesin dokumente te tjera plotesuese. "Keto dokumente kane te bejne me nje kerkese me shkrim per te vazhduar nje program studimi ne IAL. Dokumentin zyrtar nga vendi qe vijne, i cili verteton se cikli i studimeve te kryera, u jep te drejten te vazhdojne studimet universitare ose shkolla te larta jouniversitare ne vendin ku kane studiuar. Po keshtu edhe certifikaten e njohjes se gjuhes shqipe", - thuhet ne udhezimin me te fundit te firmosur nga Ministri i Arsimit, Myqerm Tafaj. Sipas ketij udhezimi, zoterimi i gjuhes shqipe vertetohet nepermjet deshmise se provimit qe zhvillohet mbi bazen e programit per te huajt ne Fakultetin e Histori-Filologjise te Universitetit te Tiranes. Sipas udhezimit, nga detyrimi i dhenies se provimit te gjuhes shqipe perjashtohen te gjithe ata shtetas, te cilet kane vazhduar studimet ne shkollen e mesme ne institucione arsimore qe kane program mesimor ne gjuhen shqipe, ose shtetasit qe e japin gjuhen shqipe dhe letersine si provim te detyruar te Matures Shteterore. Nderkohe qe komisioni i posacem ne MASH kerkon plotesimin e disa kushteve ne rastet kur ato nuk jane te plotesuara. Keshtu, per njehsimin e diplomave te shkolles se mesme te fituara jashte vendit, vlereson se shtetasit shqiptare dhe te huaj qe kane kryer arsimin e mesem jashte vendit dhe kerkojne te vijojne studimet ne IAL-te publike dhe private, nuk kane dhene provime te njevlershme me Maturen Shteterore ne Republiken e Shqiperise i kerkon shtetasve te mesiperm te japin si provime te detyruara Gjuhen Shqipe e Letersine si dhe provimet me zgjedhje, sipas procedures se percaktuar ne rregulloren per zhvillimin e provimeve te Matures Shteterore ne Republiken e Shqiperise.