Nord Stream: Pas Danimarkës, edhe Suedia raporton rrjedhje në tubacionet e gazit natyror
Autoritetet detare të Suedisë raportuan rrjedhje në tubacionin e gazit natyror Nord Stream 1 në ujërat suedeze dhe daneze, disa orë pasi Danimarka lëshoi një paralajmërim të ngjashëm për Nord Stream 2 .
“Ka dy rrjedhje në Nord Stream 1, një në zonën ekskluzive ekonomike suedeze dhe një në zonën ekskluzive ekonomike daneze. Ata janë afër njëri-tjetrit”, tha një përfaqësues i autoriteteve detare.
Për momentin nuk dihet se çfarë i ka shkaktuar rrjedhjet .
Një ditë më parë autoritetet daneze njoftuan se një rrjedhje gazi natyror ishte zbuluar në tubacionin nënujor Nord Stream 2 në Detin Baltik, i cili lidh Rusinë me Gjermaninë.
Ndonëse Nord Stream 2 iu mohua licenca për të operuar nën sanksionet për pushtimin rus të Ukrainës, tubacioni ishte “përgatitur teknikisht” dhe “i mbushur me gaz natyror”, tha për AFP zëdhënësi i Nord Stream 2 AG Ulrich Liesek.
Asnjë nga tubacionet nuk po pomponte gaz në Evropë në kohën kur u gjetën rrjedhje në mes të mosmarrëveshjes mbi luftën në Ukrainë, por të dy ende përmbanin gaz nën presion.
Incidentet do të pengojnë çdo përpjekje për të filluar ose rifilluar cilindo tubacion për operacione tregtare.
/rtsh.al/