Nuk firmos leternjoftimin, Sefgjini shkak i shtyrjes se dosjes “Hoxha”

Tirane – Procesi gjyqesor ne ngarkim te tre te pandehurve te akuzuar per rrembimin e me pas torturimin e biznesmenit Remzi Hoxha eshte shtyre per shkak te mosparaqitjes se te pandehurit Arben Sefgjini. Pas lajmerimit te ketij te fundit nga ana e trupit gjykues per procesin e djeshem gjyqesor, ai jo vetem nuk kishte firmosur qe ishte vene ne dijeni, por nuk kishte lajmeruar as avokatin e tij mbrojtes, Zef Nika. Kjo ka qene dhe arsyeja qe trupi gjykues ka vendosur te shtyje procesin gjyqesor per javen qe vjen, pas kerkeses se bere nga ana e avokatit te tij mbrojtes. Tre te pandehurit e ketij procesi jane Arben Sefgjini, Avni Koldashi dhe Ilir Kumbaro, akuzohen per veprat penale te “rrembimit te personit”, si dhe “torturimit te personit me pasoje vdekjen”, te kryera ne bashkepunim. Ne seancen e radhes pritet qe mbrojtja te paraqese kerkesat e saj per provat qe do te paraqese ne kete shqyrtim gjyqesor.