Nuk paguan gjoben, preferon 13 dite burg

BERAT- Gjykata e denon me gjobe per vjedhje energjie, preferon te vuaje ne burg. Ngjarja ka ndodhur ne nje fshat te rrethit Berat ne muajin prill te vitit te kaluar, ku punonjesit e KESH-it kapen Dhimo Melengun, 45 vjec, banor i fshatit Bilce, duke vjedhur energjine nga nje kabine elektrike pa paguar detyrimet. Pas denoncimit, ai u denua me gjoben prej 66.670 lekesh dhe gjykata i la nje afat kohor prej 9 muajsh per shlyerjen e detyrimit. Sipas burimeve nga KESH-i, vjedhesi nuk shleu detyrimin ne kohen e duhur dhe per kete u kerkua nderhyrja e organeve kompetente, duke derguar ceshtjen perseri ne gjykate. Togat e zeza, duke pare se i gjobituri pasi ishte gjendur fajtor nuk zbatoi vendimin duke shlyer gjoben, vendosi qe ta kaloje perseri ceshtjen per rigjykim, duke ia konvertuar gjoben ne dite burgu. Ne seancen e zhvilluar ne date 18 qershor te ketij viti, trupi gjykues vendosi denimin me 13 dite burg, duke kerkuar edhe arrestimin e Melengut per akuzen e "vjedhjes se energjise elektrike". Ky nuk eshte rasti i pare i konvertimit te gjobave ne dite burgimi, nga ana e Gjykates se Faktit Berat.

E. H.