Obama akuza kongresit

Presidenti amerikan, Barak Obama  ka akuzuar rivalit të tij republikan se i mungojnë idetë për krijimin e vendeve të punës. Obama kritikoi ashpër kongresin të premten për gjendjen e ekonomisë amerikane duke thënë se ligjvënësit duhet të miratojnë propozimet e tij për krijimin e vendeve të reja të punës.
"Ka shumë njerëz pa pune, tregu i strehimit është ende i dobët dhe shumë shtëpi janë ende nën ujë, kjo është pikërisht arsyeja pse unë i kërkoj kongresit të fillojë të marrë disa hapa që mund të sjellin ndryshim", u shpreh ai. 
Duke folur me gazetarët në Zyrën Ovale,  Obama tha se ndërsa fitimet e korporatave janë të forta dhe kompanitë janë duke shtuar vendet e punës, bizneset e vogla po kalojnë një kohë të vështirë marrjen e financimit dhe xhepat e tjera të ekonomisë kanë nevojë për më shumë vëmendje. Obama tha se planet e tij, të bëra të ditura vitin e kaluar, do të rigjallëronin sektorin e ndërtimeve, që është goditur rëndë, si dhe do të lejonin që shumica e 450 mijë punonjësve të sektorit publik të shteteve të ndryshme që kanë humbur punën gjatë viteve të fundit, të kthehen sërish në to.
Presidenti akuzoi kundërshtarët politikë në Kongres që nuk i kanë marrë parasysh propozimet e tij, ndërsa vendi po shkon drejt zgjedhjeve të përgjithshme në nëntor.