Obama i shpreh ngushëllimet kryeministrit indian lidhur me vrasjet

Presidenti i zgjedhur amerikan, Barak Obama i telefonoi sot kryeministrit indian, Manmohan Singh për t'i shprehur keqardhjen lidhur me viktimat që humbën jetën në sulmet e islamikëve të armatosur në Bombei, deklaroi një zyrtar i qeverisë.

"Presidenti i zgjedhur amerikan foli me kryeministrin tonë për t'i shprehur ngushëllimet për këtë tragjedi", deklaroi zëdhënësi.

Të mërkurën, Obama iu bashkua liderëve botërore që dënuan sulmin në qendrën financiare të Indisë, ku humbën jetën të paktën 195 persona.