Obama, plane për eliminimin e armëve bërthamore

/* Style Definitions */ table.MsoNormalTable {mso-style-name:"Table Normal"; mso-tstyle-rowband-size:0; mso-tstyle-colband-size:0; mso-style-noshow:yes; mso-style-priority:99; mso-style-qformat:yes; mso-style-parent:""; mso-padding-alt:0in 5.4pt 0in 5.4pt; mso-para-margin:0in; mso-para-margin-bottom:.0001pt; mso-pagination:widow-orphan; font-size:11.0pt; font-family:"Calibri","sans-serif"; mso-ascii-font-family:Calibri; mso-ascii-theme-font:minor-latin; mso-fareast-font-family:"Times New Roman"; mso-fareast-theme-font:minor-fareast; mso-hansi-font-family:Calibri; mso-hansi-theme-font:minor-latin; mso-bidi-font-family:"Times New Roman"; mso-bidi-theme-font:minor-bidi;} Presidenti Barak Obama tha sot në Republikën Çeke se prania e armëve bërthamore është "trashëgimia më e rrezikshme e Luftës së Ftohtë".

Presidenti e shpalli strategjinë e tij për eliminimin në të ardhmen të arsenalit ekzistues bërthamor para dhjetra mijë njerëzve në sheshin e Kështjellës së Pragës.

Zoti Obama bëri thirrje për një marrëveshje mbi një traktat të ri për pakësimin e armëve me Rusinë këtë vit, dhe njoftoi plane për të bindur Senatin amerikan të ratifikojë Marrëveshjen e Ndalimit të Përgjithshëm të Provave Bërthamore.

Presidenti Obama e quajti shkelje të rregullave lëshimin e raketës nga Koreja e Veriut. Ai tha se ka ardhur koha për një përgjigje të fortë ndërkombëtare.

Zoti Obama përsëriti propozimin për kontakte me Iranin për të ndalur programin e tij bërthamor, por tha se Shtetet e Bashkuara nuk do të ndryshojnë planet për instalimin e një sistemi mbrojtës nga raketat në Europë për sa kohë Irani të mbetet një kërcënim.

Më pas, në komentet mbi takimin e nivelit të lartë Amerikë-BE Presidenti Obama bëri thirrje për bashkëpunim në ndërtimin e marrëdhënieve me Rusinë. Ai rikonfirmoi ndërkohë mbështetjen për Gjeorginë dhe kundërshtoi idenë e sferave të ndikimit.