Obot izolohet nga uji vuan per uje te pijshem

Pavaresisht se deri me sot situata nga pushtetaret eshte cilesuar si normale ne komunen Ana e Malit banoret nuk e shohin si te tille

SHKODR - Prej 72 oresh fshati i Obotit eshte i izoluar dhe e vetmja menyre e levizjes per banoret eshte ajo me varke.

Banoret qe zbresin nga varkat ne rrugen nacionale Shkoder- Muriqan shprehen se uji pervec se ka rrethuar shtepite ka hyre dhe ne disa prej banesave ndersa mungon uji i pijshem dhe furnizimi me ushqime.

Nuk kemi uje te pijshem dhe duhet te dalim me varke per te shkuar e per ta blere. Askush nuk ka ardhur te na shohe apo te na ndihmoje.

Thuhet se situata eshte normale po si mund te jete e tille kur token e ka mbuluar uji e pesta here gjate ketij viti. Edhe kur vijne pushtetaret vijne deri tek rruga me makina dhe nuk hyjne brenda ne fshat per te pare ate qe ndodh- shprehen banoret.

Pasditen e se enjtes forca te ushtrise kane derguar 102 bidona 5-litersh me uje per familjet e Obotit. Mjetet e ushtrise nuk mund te hyjne ne fshatin e izoluar por uji eshte ngarkuar ne varkat me motor te banoreve te zones dhe do shperndahet nga pushteti vendor.

Problematike shfaqet situata edhe ne fshatin e Murriqanit ku nen uje gjendet e gjithe toka bujqesore por edhe disa nga banesat. Banoret e kesaj zone i bejne apel shtetit shqiptar qe ti vije ne ndihme kesaj zone pasi ndodhet ne kushte te veshtira. Jane 1000 ha toke bujqesore ne komunen e Anes se Malit qe gjenden nen uje.

Zona e Nenshkodres po perjeton dite te keqija per shkak reshjeve te shumta te shirave rritjes se prurjeve te lumenjve dhe shkarkimeve nga hidrocentralet. Pervec komunes se Anes se Malit probleme ka edhe ne komunen e Dajcit te Bregut te Bunes sidomos ne akset kryesore te saj ku uji veshtireson qarkullimin.

Banoret shprehen se ndryshe nga permbytjet e janarit kete here prezenca e shtetit eshte shume e pakte e thuajse aspak pasi ata po perballen me probleme ushqimi uji demtime te bazes ushqimore te blegtorise dhe askush nuk u ofron ndihme.