Olldashi: Rama ne Guines, mat rruget me meter katrore Rozeta Rapushi

Ministri i Transporteve, Sokol Olldashi replikoi dje ne distance me kreun socialist, Edi Rama, i cili hodhi poshte dy dite me pare, se kjo qeveri ka ndertuar 10 mije kilometra rruge. Sipas Olldashit, Rama llafosi si e ema e Zeqos kur binte nga maja e thanes, pasi 10 mije km rruge dhe qytetaret qe udhetojne ne to, nuk jane barsoleta. “Nuk eshte humor, qe rruget kane krijuar 45 mije vende pune cdo vit dhe me lejoni te jem i qarte me zotin Rama, se ne kemi krijuar 58 mije vende pune ne infrastrukture, cdo vit, edhe pse Rama i detyroi deputetet e vet te votojne kunder financimit te cdo projekti. Sepse, sic e beri krejtesisht te qarte, Rama mendon se rruget nuk sjellin vende pune, ai i trajton rruget si barsoleta”, - u kunderpergjigj Olldashi. Sipas ministrit, keto rruge tashme jane prekur nga qytetaret, te cilet e ndjejne impaktin e tyre, duke u mundesuar hapjen e bizneseve te reja, shkurtimin e kohes se udhetimit dhe hapjen e tregjeve te reja per fermeret, manifakturen dhe gjithe sektorin prodhues te vendit. Ndaj Olldashi shtoi, se ne estraden e tij, Rama eshte ne te drejten e tij qe te mendoje brockulla dhe te beje qyfyre, por, nga ana tjeter ben gabim qe citon shifra, vecanerisht tani qe nuk i shenon me ne dore. “Sepse, teksa hazdis neper Shqiperi duke shpalosur numrat qe shpik vete, ai edhe i sheh, edhe i perdor keto rruge. Shyqyr Zotit qe s’i ha dot me sysh. Dikush duhet medoemos t’i thote Rames se Shqiperia ka 18 mije e 300 km rruge. Dikush duhet t’i tregoje Rames diferencen mes zonave dhe distancave, mes kilometrave dhe metrave, sepse ne faqen e tij ne “Facebook”, ai flet per rruget me metra katrore, nderkohe qe rruget maten me km dhe jo me metra katrore”, - ironizoi ministri. Ai shtoi se nese Rama di ndonje rruge qe mazhoranca ka ndertuar, qe eshte nje kilometer katror e gjere, atehere ai te kete miresine dhe ta tregoje. “Nese ai nuk di ndonje rruge te tille, atehere ai duhet te jete i vetmi shqiptar qe mendon se rruget maten me metra katrore dhe jo me kilometra. Rama ne Guines. Eshte i vetmi politikan qe eshte pare e degjuar qe rruget i mat me kilometer katrore, llafet e tij me kilograme dhe rreshtat e palo programit, me decibel”, - vijoi repliken e tij Ministri i Transporteve. Nga ana tjeter, Olldashi siguroi se institucioni qe ai drejton si dhe mazhoranca, do te vazhdojne te shtrojne rruge, pasi ka ende pune per t’u bere. “Ne do te vazhdojme te shtrojme rruge, sepse ka ende shume pune per te bere, sepse rruget krijojne vende te reja pune, sjellin paga me te mira per te gjithe shqiptaret”, - vijoi qendrimin e tij, ministri.