Olympiakos shkarkon Zicon
Zico nuk do të jetë më trajner i Olympiacosit. Klubi grek e ka dhënë lajmin të martën, përmes uebfaqes së vet zyrtare.
Udhëheqësit e Olympiacos e kanë marrë këtë vendim pasi ky klub ka mbetur shtatë pikë prapa kryesuesit, Panathinaikos. Zëvendësuesi i trajnerit brazilian nuk është gjetur ende, por momentalisht, klubi grek do të udhëhiqet nga dyshja Bozidar Bandovic e Andreas Niniadis.
Kohë më parë, Olympiacos ishte eliminuar nga Liga e Kampionëve, në fazën e grupeve.