"Opozita kerkon te perfitoje politikisht nga fatkeqesia"

Kryetari i Levizjes Socialiste per Integrim, Ilir Meta, i vleresoi dje akuzat e kryesocialistit Edi Rama, ndaj ministrit te Ekonomise dhe te Energjise Dritan Prifti, si obsesion personal. "Per akuzat e z. Rama ndaj ministrit te Ekonomise dhe te Energjise z. Prifti, te jeni te sigurt ju se edhe sikur te mos ishte fare ne qeveri z. Prifti, ata prape do te kerkonin largimin e z. Prifti. Ai ka obsesion personal, jane arsyet e tyre, por ne politike nuk ecet me opsesione personale", reagoi Meta. Sipas tij, eshte gjeja me e lehte te sajosh lajme te paqena, apo te perpiqesh te demtosh qeverine ne nje moment te tille, por nuk duhet te harrohen ata qe jane me te lenduarit ne kete situate, qe jane qytetaret e Nenshkodres. Ai theksoi se "atje ka nevoje per solidaritet dhe jo per hipokrizi politike". I pyetur mbi kerkesen e opozites qe qeveria te filloje sa me pare kompensimin ne leke ne dore per banoret e prekur nga kjo situate, kreu i LSI shprehu keqardhjen per deklarata te tilla dhe i cilesoi teper te nxituara. "Nxitime te tilla, deklarata te tilla, absolutisht qe flasin per nje opozite e cila thjesht kerkon te perfitoje nga nje fatkeqesi dhe nuk eshte kjo rruga per te ecur gjate ne politike, per te kerkuar fatkeqesite natyrore si aleanca per te ecur perpara", tha Meta. Ai shprehu gjithashtu keqardhjen per ata politikane te cilet kerkojne te bejne lajme ndertuar mbi nje fatkeqesi natyrore.