Bumci: Rama, pas "vakancave" po perpiqet te manipuloje me fatkeqesine ne Shkoder

Demokratet, akuza te forta kreut socialist ne lidhje me qendrimin e mbajtur ndaj permbytjeve ne Veri. Teksa i kane kujtuar Rames, mungesen e kompensimit te qytetareve per permbytjen e shkaktuar vite me pare nga hapja e diges se liqenit artificial ne Tirane, kryetari i PD, Tirane, Aldo Bumci nuk ka munguar ta vijoje akuzat ndaj kryesocialistit per shpifje. "Edvin Kristaq Rama pasi kaloi "vakancat" e zgjatura ne kulmin e fatkeqesise natyrore, ne Paris dhe plazhet e detrave te nxehta, ndermori fushaten me te eger te shpifjes dhe po perpiqet te manipuloje fatkeqesine natyrore te permbytjes ne Shkoder. Keshtu cdo dite me ekipin e bllokmeneve te rinj shpif, trillon dhe mashtron per shkaqet e permbytjes dhe menaxhimin e situates", ka akuzuar Bumci. Per te, Rama, njelloj si nje "bos bashibozukesh" krijoi struktura paralele ne nje kohe, kur mijera qytetare te zonave te permbytura, se bashku me mijera zyrtare lokale dhe qendrore, civil dhe ushtarak u perballen me trimeri dhe guxim me ujin dhe po evakuojne dhe shpetojne me mijera jete, njerezish, cirret dhe bertet qe kompensimi te behet sot dhe menjehere. "Partia Demokratike i thote z. Rama, dhe bllokmeneve te tjere te rinj qe ferkojne duart nga gezimi i fatkeqesise natyrore qe goditi Shkodren, se duhet te skuqesh kur flet per digen dhe permbytjet se mbi ty qendron pergjegjesia per permbytjen e qytetareve te Tiranes. Ju qe permbytet Tiranen me digen e Tiranes dhe lejet e pallateve mbi kolektore, jo vetem qe nuk c' demtuat qytetaret e Tiranes sic kerkon ligji i digave por ushtruat presion dhe dhunuat qytetaret e permbytur me bashibozuket tuaj", tha Bumci. Njeheresh ai nuk ka munguar te pershendese qytetaret e Shkodres dhe zonave te permbytura qe i dhane pergjigjen e merituar perpjekjeve te kryetarit te PS, sipas tij, per te manipuluar fatkeqesine natyrore.