Oto Baric probleme ne zemer ne vitin 2007
Perkeqesimi i gjendjes shendetesore te Josip Kuzhe eshte rasti i dyte qe ndodh ne harkun e tri viteve te fundit me nje trajner te Kombetares. Ne fakt ne mars te vitit 2007 probleme ka pasur edhe ish-tekniku kuqezi Oto Baric. Ne ate periudhe tekniku i mirenjohur kroat nuk ishte ndier mire duke u ankuar per dhimbje ne zemer. Koincidenca e ketyre dy ngjarjeve lidhet me faktin se ato kane ndodhur perpara ndeshjeve eliminatore te perfaqesueses shqiptare. Kuzhe ka pesuar hemorragji cerebrale vetem nje jave perpara ndeshjes se vlefshme per Grupin D ne Euro 2012 me Bosnje-Hercegovinen. Kater dite me pas Kombetarja luan ne Minsk me Bjellorusine. Nderkohe problemet ne zemer per Baricin ishin shfaqur vetem pak dite perpara sfides eliminatore se Euro 2008 me Sllovenine. Oto Maksimal ishte ndier keq vetem 24 ore perpara startit te grumbullimit ndersa ne sfiden qe perfundoi ne barazim 0-0 ne Loro Borici te Shkodres me 24 mars 2007 Shqiperia u drejtua nga zevendesit e tij Sllatko Kovacic dhe Shpetim Duro.
Pas gjendjes jo te mire shendetesore duket thuajse e pamundur te mendosh qe Kuzhe do te jete ne stolin e Shqiperise me 8 tetor kunder Bosnjes dhe me 12 tetor ne fushen e Bjellorusise. Sipas te gjitha gjasave skuadra do te drejtohet nga asistenti i tij Xhemal Mustedanagic. Gjate mbremjes se djeshme ne spital Josip Kuzhe eshte vizituar nga lojtaret e Dinamos qe jane pjese e perfaqesueses.