PD “mbron” gjyqtarët e sulmuar nga Rama
Deputetja Arenca Trashani, theksoi sot se, "përdorimi i gjuhës së ashpër nga ana e kryetarit të PS-së, Edi Rama dhe përpjekja për të kërcënuar gjyqësorin me deklaratat e tij, ishin shumë të papërshtatshme".
"Akuzat e ashpra nuk janë frytdhënëse në kuadër të bashkëpunimit midis pozitës dhe opozitës. Të sulmosh një institucion të pavarur nuk kontribuon aspak në një debat të mirëfilltë dhe nuk bën asgjë për progresin e Shqipërisë", tha Trashani. Ajo shtoi se gjuha e përdorur nuk është koherente me atë që është rënë dakord për të lënë pas historinë e dy viteve të shkuara.
"Të gjithë politikanët kanë përgjegjësi për respektimin e shtetit ligjor dhe respektimin e vendimeve të gjykatave. Ata duhet të japin shembullin e tyre në marrëdhënien me gjyqësorin, qytetarët e meritojnë një gjë të tillë dhe bashkësia ndërkombëtare pret pikërisht këtë", tha ajo. Deputetja demokrate tha se vendimet e gjykatave duhet të respektohen. "Halli i zotit Rama nuk është dënimi i atyre deputetëve, që nga përfaqësues i ka kthyer zyrtarisht në shpifës përsëritës, por frika e rrëzimit të shpifjeve", tha Trashani.
Kryetari i PS-së, Edi Rama, në fjalën e mbajtur dje në mbledhjen e përjavshme të grupit parlamentar socialist i vlerësoi si të njëanshme vendimet e gjykatave, të cilat kanë dënuar me gjoba deputetët e PS-së, të paditur nga deputetët e Partisë Demokratike. /Start/
2011-11-16 15:23
"Akuzat e ashpra nuk janë frytdhënëse në kuadër të bashkëpunimit midis pozitës dhe opozitës. Të sulmosh një institucion të pavarur nuk kontribuon aspak në një debat të mirëfilltë dhe nuk bën asgjë për progresin e Shqipërisë", tha Trashani. Ajo shtoi se gjuha e përdorur nuk është koherente me atë që është rënë dakord për të lënë pas historinë e dy viteve të shkuara.
"Të gjithë politikanët kanë përgjegjësi për respektimin e shtetit ligjor dhe respektimin e vendimeve të gjykatave. Ata duhet të japin shembullin e tyre në marrëdhënien me gjyqësorin, qytetarët e meritojnë një gjë të tillë dhe bashkësia ndërkombëtare pret pikërisht këtë", tha ajo. Deputetja demokrate tha se vendimet e gjykatave duhet të respektohen. "Halli i zotit Rama nuk është dënimi i atyre deputetëve, që nga përfaqësues i ka kthyer zyrtarisht në shpifës përsëritës, por frika e rrëzimit të shpifjeve", tha Trashani.
Kryetari i PS-së, Edi Rama, në fjalën e mbajtur dje në mbledhjen e përjavshme të grupit parlamentar socialist i vlerësoi si të njëanshme vendimet e gjykatave, të cilat kanë dënuar me gjoba deputetët e PS-së, të paditur nga deputetët e Partisë Demokratike. /Start/
2011-11-16 15:23