PD: Kryeprokurorja po mbron Ramen, nje qendrim amoral Qamil Xhani

Partia Demokratike ka akuzuar dje kryetarin e Partise Socialiste si pergjegjes per dhunen dhe humbjen e jetes se kater personave ne daten 21 janar. Deputetja e Partise Demokratike, Rajmonda Bulku tha dje per mediat se Rama eshte perfaqesues i ish-drejtuesve te bllokut komunist. Nderkohe qe deputetja demokrate ka akuzuar dhe Prokuroren e Pergjithshme per publikimin e dosjes hetimore te 21 janarit ne media dhe per dhenie inflamacioni perfaqesuesve te selise roze, duke deklaruar se po mbron Edi Ramen. "Sot si cdo dite, prokurorja Ina Rama apo sic e therrasin bllokmenet e rinj "heroina e tyre", ka nxjerre ne tregun e mediave opozitare, dokumente te dosjes se grushtit te shtetit te 21 janarit. Ne nje amoralitet te plote profesional, e vendosur te beje gjithcka per te rrenuar hetimin, "shoqja e bulevardit" dergon ne seline e Partise Socialiste cdo darke dokumentet e hetimit vetem e vetem qe te mund te mbroje ne kete proces te shkaterruar, pinjollet e Ben Alive, Gedafeve, Mubarakeve, qe permbysem ne vitin 91", tha dje Bulku. Deputetja e PD-se ka theksuar se kjo sjellje e prokurorise behet per te mbrojtur kreun dhe te PS-se dhe drejtuesit e tjere te koalicionit opozitar, qe kane lidhje sistemin komunist. "E ben kete per te mbrojtur, Edvin Kristaq Ramen, nipin e xhelatit te inteligjences teknike shqiptare, qe 20 vjet me pare deklaronte se pushtetin e kemi marre me gjak dhe nuk e dorezojme pa gjak. E ben kete per te mbrojtur te birin e Kristaq Rames, xhelatit qe firmoste varjen e disidenteve shqiptare, ne sheshet e qyteteve te vendit. E ben per te mbrojtur ish ministrin e sigurimit te shtetit Gramoz Ruci, Skender Gjinushin dhe bllokmenet e tjere", tha Bulku. Ligjvenesja e Partise Demokratike eshte ndalur edhe ne faktin qe Prokuroria nuk ka hetuar asnje prej akuzave qe i jane bere kreut te PS-se, Edi Rama. Madje Bulku u shpreh se prokuroria ka mbyllur hetimet per 41 dosjeve te kreut te PS-se dhe Bashkise se Tiranes. Dosje qe sipas saj flasin per miliona euro. "Shoqja e bulevardit" qe ka mbyllur 41 dosje te Edvin Rames per afera korruptive qe shkojne qindra miliona euro, me botimin qe ben cdo dite te dokumenteve te grushtit te shtetit te 21 janarit, mendon se do te mbylle edhe kete krim te bllokmeneve te rinj, vetem e vetem se ajo dhe "shoku i bulevardit" kishin vendosur mbi te mandatet e tyre te dyta", tha dje Bulku. Ajo shpreh se pergjegjesi per vrasjet ne daten 21 janar eshte kreu i PS-se, Edi Rama dhe kerkoi hetime nga prokuroria per kete gje. "Shoqja e bulevardit" nuk mund te hetoje organizatoret e grushtit te shtetit, sepse bijte e Ben Alive, Gedafeve e Mubarakeve qe permbysem 20 vjet me pare, jane jo vetem organizatoret e ketij grushti shteti, por dhe autore te organizimit te dhunes dhe vrasjes se viktimave qe i perdoren si mish per top per karrigen e tyre", tha Bulku. Nga ana tjeter Bulku ka theksuar se Prokuroria duhet te zbatoje ligjet dhe te mos ndikohet nga opozita. "Jam sot ketu per te denoncuar para shqiptareve, por dhe para komunitetit nderkombetar, qendrimin e papergjegjshem, te ulet dhe amoral nga ana profesionale si dhe militantizmin politik te prokurores Ina Rama. Por jam ketu dhe per t'i kujtuar zonjes Prokurore, se asgje s'do te shpetoje ty dhe ata qe te urdherojne ty, per te prishur nje proces kaq vendimtar per paqen dhe stabilitetin e vendit", tha dje Bulku.