PD: Qeveria, asnje lek borxh per te rritur pensionet Rozeta Rapushi

Selia blu sqaroi dje, se asnje qindarke nuk eshte marre nga parate e shqiptareve ne banka per rritjen e pagave dhe te pensioneve nga qeveria. Ne emer te Partise Demokratike, zedhenesja e kesaj force politike, Erla Mehilli, tha dje se gjate ketyre diteve kreu i Partise Socialiste, Edi Rama dhe klubi i milionereve bllokmene te rinj, kane ndermarre nje fushate te eger kundra rritjes se pensioneve, duke e paraqitur kete, si nje rritje katastrofe ekonomike. “PD denoncon kete pashpirtesi te Rames dhe kupoles se milionereve qe drejton sot PS, si deshmi e trashegimise historike e biologjike dhe shpirtkazmerise se tyre”, tha Mehilli. Sipas saj, te ngrihesh sot kundra rritjes se pensioneve do te thote te heqesh cdo maske dhe te nxjerresh fytyren e vertete c’njerezore para 520 mije pensionisteve shqiptare, te cilet dolen nga regjimi i eterve te socialisteve te sotem me skllever se cdo qytetar tjeter ne planet. “Te ngrihesh sot kundra rritjes se pensioneve deshmon se i permbahesh pasionit te eterve tuaj per ti pare te varfrit gjithnje e me te varfer ne nje kohe qe vete jeton ne parajsen e ndertuar mbi mjerimin e te tjereve”, vijoi ajo. Sipas saj, te pretendosh se pensionet po rriten duke marre 70% te kursimeve te shqiptareve, do te thote te mashtrosh pa u skuqur 70 here shqiptaret pasi asnje qindarke nuk eshte marre e nuk merret nga cilado qofte kredi per rritje rrogash e pensionesh nga qeveria aktuale. Duke hedhur poshte cdo qendrim te mbajtur nga ana e selise roze ne lidhje me pensionet, Mehilli, pershendeti rritjen e rrogave dhe pensioneve nga kjo qeveri, si nje deshmi madhore e politikes se saj te zemres se dhimbsur. Rritja e pensioneve nisi me 1 korrik, vetem nje dite pas marrjes se vendimit nga mbledhja e Keshillit te Ministrave. Ministri i Financave, Ritvan Bode, sqaroi se nuk ka asnje pensionist qe perfiton nen 10 mije leke. Sipas tij, kjo eshte rritja me e madhe qe eshte bere ndonjehere ne nje kohe kur vendet e tjera kane marre vendimet per te mos rritur asnje gje per 2 apo 5 vjet. Sipas ministrit, 5.6 % do te rritet paga minimale per cdo nepunes publik dhe 2% do te rritet paga maksimale. Ministri i Financave lajmeroi gjithashtu se do ta ule deficitin permes shkurtimeve te buxhetit, qe ne pjesen derrmuese prekin investimet. Ministri i Financave, Ritvan Bode, tha gjithashtu se te shperndare ne zera te vecante, 2-7% do te rriten ne baze te gradave te ushtarakeve, 6% pagat e arsimtareve, deri ne masen 12% pagat e mjekeve si dhe 10% te infermiereve.
Vendimi i qeverise, per rritjen e pensioneve
Ne mbledhjen e fundit te qeverise per muajin qershor, pikerisht me date 30, qeveria miratoi rritjen e pagave dhe pensioneve. Keshtu, me kete rritje, nga 1 korriku, cdo pensionist ne qytet apo ne fshat perfiton rritjen ne baze te kategorive te percaktuara me vendim te qeverise. Rritje e cila shkon nga 4 deri ne 10 per qind. Nga kjo rritje e percaktuara ne kategori te ndryshme, do te perfitojne 520 pensioniste ne te gjithe vendin. Ne menyre te detajuar, rritja e pensioneve pershkallezohet nga 6 per qind per pensionet e uleta ne qytet dhe ne teresi me nje rritje prej 6140 leke (te vjetra) nga e cila perfitojne afersisht 200 mije pensioniste.