Motori i ujit plagos pushuesen

Shkoder- Motoret e ujit rikthehen frikshem ne plazhet shqiptare. Pas tragjedise se vitit te kaluar prane sektorit “Hekurudha” te Durresit, kur u godit per vdekje nje pushues kosovar, diten e djeshme ka rrezikuar jeten edhe nje grua nga Kukesi ne plazhin e Velipojes ne Shkoder.
Ndersa, po merrte rreze dielli ne reren e plazhit, 38-vjecarja me inicialet M. A., ka marre nje perplasje nga nje mjet lundrues qe perdoret deri ne largesi 500 metra nga bregu. Drejtuesi, ende i paidentifikuar, ka qene duke shetitur me shpejtesi brenda zones se kufizimit per lundrim per motoret e ujit dhe ne nje moment ka humbur kontrollin. Motori ka dale ne breg dhe me pas perfundoi po me shpejtesi ne pjesen e reres, ku gjendej edhe 38-vjecarja nga Kukesi, ne shoqerine e familjareve.
Burime policore bene te ditur se pushuesja ka marre plage nga goditja dhe eshte derguar ne spital, ku pas mjekimit gjendet jashte rrezikut per jeten. Ngjarja ka shokuar pushuesit e shumte ne Velipoje, te cilet kane kerkuar nderhyrjen e forcave te rendit per te larguar motoret e ujit. Ne vendngjarje mberriti nje grup hetimor, por mesohet se ende nuk eshte kryer ndonje shoqerim, pasi i dyshuari ka mundur te largohet me shpejtesi.
Policia ka marre deshmine e gruas se demtuar, qe ka pasur shembje ne trup dhe hematoma te ndryshme. Ne lidhje me autorin e ngjarjes, policia nuk ka dhene asnje informacion zyrtar per shoqerimin apo sekuestrimin e motorit te ujit, ndersa hetimet po vijojne per zbardhjen e ngjarjes, mbeshtetur edhe ne deshmite e te demtuares, familjareve dhe pushuesve te shumte ne plazh.

Urdhri
Ministri i Brendshem dhe Pushtetit Lokal, Lulzim Basha, disa here ka paralajmeruar vartesit qe te marrin masa te rrepta per sezonin turistik, disiplinimin e trafikut ne rruge, sigurine e pushuesve ne bregdet, por edhe kontrollin e siperfaqes ujore dhe largimit te motoreve te ujit, qe duhet te qendrojne te pakten 500 metra larg bregut.
Tragjedia ne Durres, motori i ujit vrau pushuesin kosovar
Rrezikshmeria qe vjen nga motoret e ujit ne plazhe sipas pushuesve dhe specialisteve te policise, eshte e larte. Mjafton te permendet tragjedia e nje viti me pare, 15 korrik 2009, kur pushuesi kosovar, 38 vjecari Sabit Kuci, nga Decani, u godit ne plazhin e Durresit nga nje motor uji teksa notonte brenda hapesires se lejuar per pushuesit. Autori mbeti i paidentifikuar, megjithese policia deklaroi se ishte rreth 20 vjec, me trup mesatar dhe shoqeroi disa prej tyre. Pas disa ditesh ne koma, ne sallen e reanimacionit te Durresit, 38-vjecari nderroi jete si pasoje e plages se rende te shkaktuar ne pjesen e kokes. Per dy muaj me radhe policia beri operacione me Rojen Bregdetare, duke bllokuar te pakten 40 motore uji qe qarkullonin brenda hapesires se kufizimit dhe qe nuk kishin dokumentacione. Aksione per bllokimin e mjeteve u kryen edhe ne Vlore e Sarande, duke sekuestruar te pakten 20 prej tyre, por shqetesimi sipas policise dhe pushuesve edhe kete vit mbetet evident. Rrezik perben fakti se lundruesit shkelin ligjin duke hyre ne zonen ku notojne burra, gra, femije dhe te rinj.