PD: Rama sjell ne Tirane, shoket humbes Rozeta Rapushi

Partia Demokratike akuzoi dje kreun socialist, Edi Rama, se po kerkon te mbyse rebelimin brenda partise, duke sjelle ne Tirane, shoket e tij humbes te Internacionales Socialiste. Deputeti demokrat, Gerti Bogdani, duke permendur viziten e fundit te Zevendespresidentit te Parlamentit Evropian, Pitela apo Ayala, tha se Rama beson se i mbeshtetur nga humbesit me te medhenj te rajonit, do te mund ti buzeqeshe fitorja, por sipas tij, nga humbjet vetem humbje vijne. “Javen qe kaloi z. Rama telefonoi e solli ne Tirane shoket e tij humbes te Internacionales Socialiste, qe kane te njejtin fat si ai, ne nje perpjekje te deshperuar per te shuar rebelimin qe ka nisur ne partine e tij dhe perpjekjen per te ardhur ne pushtet me cdo kusht. Ata qe iu pergjigjen thirrjes se tij kane te gjithe nje gje te perbashket: Jane humbes!”, - akuzoi Bogdani. Duke i marre me radhe, ai tha se Papandreu, President i Internacionales Socialiste, mesuesi i pare dhe frymezuesi i Edi Rames, u detyrua te lere ne mes mandatin e tij te Kryeministrit te Greqise ne vitin 2011, per shkak te krizes ekonomike, ku u zhyt vendi i qeverisur prej tij. Bogdani shtoi se si pasoje e lidershipit te tij prej diletanti deshtak, per here te pare qe nga krijimi, partia e madhe greke PASOK sot eshte katandisur me 12% te elektoratit grek ne vendin e trete. “Z.Stanishev, President i Partive Socialiste Evropiane, humbi zgjedhjet ne Bulgari ne vitin 2009. Nje sere skandalesh shoqeruan mandatin e tij si Kryeminister. Z.Pitela, Zv-President i Parlamentit Evropian, perfaqesues i Partise Demokratike ne Itali, e cila qysh se u krijua si formacion i te majteve ne 2007, nuk ka ardhur ende ne pushtet dhe po deshton edhe ne keto zgjedhjet e fundit”, - tha Bogdani. Ai nuk la pa permendur edhe Ayalen, duke thene se eshte nje apatrid i njohur ne Internacionalen Socialiste, por askush nuk e mban mend se kur ai ka fituar nje pale zgjedhje. “Rama humbi zgjedhjet ne vitin 2009, dhe humbi zgjedhjet ne vitin 2011. Ai humbi sepse qytetaret e refuzuan ate. Ai di vetem te humbase”, - vijoi akuzat Bogdani. Ne emer te PD-se, ai shtoi se Rama dhe shoket e tij jane humbes sepse ata kane te njejtat ide deshtake te se shkuares, si rritja e taksave, pengimi i biznesit, rritja e papunesise. “Humbesit qe Rama ftoi, jane braktisur nga qytetaret e tyre, sepse ata kane refuzuar me kohe keto ide te rrezikshme, bashke me ideatoret e tyre. Ai i ftoi keto dite per ta shpetuar nga rebelimi i njerezve te tij qe deklarojne se duan te shpetojne nga Rama, por nuk po e heqin dot dhe mezi presin 23 qershorin t’i japin duart. Edi Rama ka nje zakon te vjeter; ai merr keshilla vetem nga humbesit, lista e te cileve eshte shume e gjate. Ndaj nuk eshte cudi qe keshillat e tij tani te vijne edhe nga Kuba apo Venezuela”, - vijoi demokrati.

REAGIMI

“Papandreu, President i Internacionales Socialiste, mesuesi i pare dhe frymezuesi i Edi Rames, u detyrua te lere ne mes mandatin e tij te Kryeministrit te Greqise ne vitin 2011, per shkak te krizes ekonomike, ku u zhyt vendi i qeverisur prej tij. Stanishev, President i Partive Socialiste Evropiane, humbi zgjedhjet ne Bulgari ne vitin 2009. Nje sere skandalesh shoqeruan mandatin e tij si Kryeminister. Pitela, Zv-President i Parlamentit Evropian, perfaqesues i Partise Demokratike ne Itali, e cila qysh se u krijua si formacion i te majteve ne 2007, nuk ka ardhur ende ne pushtet dhe po deshton edhe ne keto zgjedhjet e fundit”, - permendi dje demokrati.