PD: Reformat bashke me LSI

Fatjona Mejdini
Partia Demokratike po fillon te ushtroje presion ndaj socialisteve, ne lidhje me reformat qe kerkon marrja e fteses se anetaresimit te Shqiperise ne NATO. Keshtu, demokratet theksojne se ne rast se PS nuk do te bashkepunoje per reformen ne drejtesi dhe ate elektorale, atehere mazhoranca eshte e hapur te bashkepunoje me Levizjen Socialiste per Integrim per permbushjen e detyrimeve te NATO-s. Deputeti i Partise Demokratike, Aleksander Biberaj, theksoi se PD eshte e gatshme te bashkepunoje me mazhorancen dhe partite e tjera te vogla te opozites per reformat, duke lene te kuptohet se keshtu sigurohen edhe 84 votat qe kerkohen per reformat. "Mazhoranca do te bashkepunoje me LSI-ne dhe me partite e tjera te opozites per te konkretizuar sa me pare reformen ne drejtesi dhe ate elektorale, ne menyre qe Shqiperia te plotesoje detyrimet per t`u integruar ne NATO", theksoi Biberaj ne nje prononcim per gazeten "Koha Jone". Funksionari i larte i PD vleresoi si mjaft pozitive dhe bashkepunimin e ofruar nga LSI ne lidhje me kufizimin e imunitetit te deputeteve. Sipas tij, vullneti i LSI-se per te ofruar bashkepunim ne lidhje me kete nisme automatikisht kontribuuan ne reformen per sistemin e drejtesise.
Nenkryetari i Levizjes Socialiste per Integrim, Pellumb Xhufi, u shpreh dje se prioritetet e kesaj force politike per 2008 jane kryesisht ato qe jane dhe prioritetet e vendit per integrimin ne NATO, si dhe ne Bashkimin Evropian. Ne nje prononcim per mediat, Xhufi tha se "ne funksion te ketyre dy prioriteteve, ne, si force politike, do te insistojme me force qe qeveria, mazhoranca, te nise ne reformat e medha, reforma ne drejtesi dhe reforma zgjedhore, te cilat, per fat te keq, deri tani kane ngelur ne stadin e tyre fillestar". Xhufi tha se "shqetesimi yne ka te beje me vendosjen ne rrugen e sakte te reformave, gje qe kerkon krijimin e nje klime konsensuale bashkepunimi midis faktoreve politike". Ndersa zv/kryeministri Gazmend Oketa deklaroi dje, se politika duhet te tregoje vullnet dhe bashkepunim per te ndermarre reformat qe do ta integrojne ne NATO.
Xhufi
Nenkryetari i LSI-se, Pellumb Xhufi, deklaroi se prioritetet e kesaj force politike per 2008 jane kryesisht ato qe jane dhe prioritetet e vendit per integrimin ne NATO, si dhe ne BE. Sipas Xhufit, LSI do te sherbej si nxitese qe mazhoranca te nise ne reformat e medha, reforma ne drejtesi dhe reforma zgjedhore, te cilat, per fat te keq, deri tani kane ngelur ne stadin e tyre fillestar.
Oketa
Zv/kryeministri Gazmend Oketa theksoi dje, se klasa politike ne vend duhet te realizoje patjeter reformen ne sistemin e drejtesise dhe ate elektorale me qellim qe vendi te marre ftesen per ne NATO ne muajin prill. Sipas Oketes, politika duhet te tregoje vullnet pozitiv per cuarjen perpara te ketyre reformave dhe te tregoje se eshte e afte te bashkepunoje per ceshtje me interes te madh kombetar.
Mediu
Kreu i Partise Republikane, njekohesisht ministri i Mbrojtjes, Fatmir Mediu, eshte shprehur pro konsensusit te mazhorances me LSI-ne, per kryerjen e reformave qe do te siguronin anetaresimin e Shqiperise ne NATO. Sipas Mediut, LSI po tregon nje vullnet pozitiv per reformat qe do te benin qe Shqiperia te jete pjese e NATO-s, ndonese PS ende nuk eshte treguar e gatshme per bashkepunim.