PDU: Skandaloze festa greke me parullat e Vorio-Epirit
Tiranë, 31 mars, NOA - Provokim irredentist i organizatave "vorio-epirote" është cilësuar nga drejtuesit e Partisë për Drejtësi dhe Unitet, parakalimi përmes flamujve të shtetit të Vorio-Epirit gjatë festës së ashtuquajtur e "Pavarësisë së Vorio Epirit", organizuar në Athinë nga disa shoqata më 17 shkurt dhe publikuar sot.
Ato janë skandaloze dhe të dënueshme, për më
tepër kur këto akte irredentiste kanë marrë edhe lejen e autoriteteve
shtetërore greke. Me sa tregojnë këto fotografi, të siguruara
vetëm sot nga ky aktivitet, parullat e ushtarëve grekë nuk ishin e vetmja
shenjë antishqiptare gjatë këtyre kohëve, thuhet në deklaratën e PDU-së lidhur
me një fakt të tillë.
Ndërsa shtohet se në këto fotografi parrullat e hedhura janë Vorio Epiri, nuk e shes, nuk harroj.
Këto akte të dënueshme që nxisin irredentizmin dhe flasin për etnitete që nuk ekzistojnë, të cilat madje i trajtojnë edhe si shtete e që nuk u shërbejnë marrëdhënieve mes dy shteteve e as mes dy kombeve, përfundon deklarata e PDU-së lidhur me një akt të tillë.
Vorio Epiri është një shoqatë ekstremiste greke që ka pretendime territoriale, në jug të Shqipërisë prej shumë dekadash.
n.e/NOA