PL: Grupi parlamentar i zyrtarizuar, Blushi kryetar

TIRANË, 16 shtator/ATSH/ Partia e Lirisë njoftoi sot se do të ketë grupin e saj parlamentar në Kuvend me 7 deputetë siç e kërkon rregullorja.

Në përgjigje të interesimit të medias, Partia e Lirisë u shpreh se grupi parlamentar i saj është zyrtarizuar me përbërjen e këtyre deputetëve:

Tedi Blushi -kryetar

Edmond Haxhinasto – zv/kryetar

Erisa Xhixho – zëdhënëse

Brunilda Haxhiu – sekretare

Ina Zhupa

Ledina Alolli

Klodiana Çapja

Partia e Lirisë mori katër mandate deputetësh në zgjedhjet parlamentare të 11 majit si vende të sigurta në listën e kandidatëve të koalicionit “PD-Shqipëria Madhështore”.

Numri i kërkuar prej 7 deputetësh për formimin e grupit parlamentar është arritur me ndihmën e Partisë Demokratike.