PROJEKTLIGJ PER PATRULLIMIN E HAPËSIRËS AJRORE TË REPUBLIKËS SË SHQIPËRISË

P R O J E K T L I GJ

PËR

PATRULLIMIN E HAPËSIRËS AJRORE TË REPUBLIKËS SË SHQIPËRISË

Në mbështetje të neneve 2, pika 3, 12, pika 3, 78, pika 1, dhe 83, pika 1, të Kushtetutës, me propozimin e Këshillit të Ministrave, Kuvendi i Republikës së Shqipërisë

V E N D O S I:

Neni 1

Lejimin e kryerjes së patrullimit të hapësirës ajrore të Republikës së Shqipërisë nga forcat ajrore të Aleancës së Atlantikut të Veriut (NATO).

Neni 2

Autorizohet Këshillii Ministrave të lidhë marrëveshjet përkatëse me strukturat e NATO-s, për zbatimin e këtij ligji.

Neni 3

Ky ligj zbatohet deri në çastin kur Republika e Shqipërisë do ta kryejë vetë patrullimin e hapësirës së saj ajrore.

Neni 4

Ky ligj hyn në fuqi 15 ditë pas botimit në “Fletoren zyrtare”.

KRYETARI

JOZEFINA TOPALLI