PS: Aferat e qeverise, po zhysin shqiptaret ne borxh disa brezash

Partia Socialiste ka akuzuar diten e djeshme kryeministrin Berisha per korrupsion. Zedhenesja e kryesise se selise roze, Mimi Kodheli, deklaroi dje se familja e Sali Berishes turperoi Shqiperine. "Edhe njehere, Berisha dhe zedhenesit e tij mohuan aferat ne te cilat jane perfshire, pavaresisht provave qe vazhdojne te dalin perdite dhe qe tregojne me se miri, se familja Berisha nuk po punon ne interes te shqiptareve", u shpreh Kodheli. Ndersa nenkryetari i grupit parlamentar socialist tha se ne rast se cdo femije i porsalindur, i cilitdo shqiptari, sot ngarkohet me 200 dollare borxh dhe pergjate vitit 2009, do te ngarkohet me 2.366 dollare borxh, femijet e Sali Berishes dhe femijet e femijeve te Sali Berishes, ngarkohen me pasuri prej 236 mije dollareve pergjate nje viti dhe kjo e deklaruar ne zyrat e deklarimit te pasurise.