PS: Berisha, pergjigje ne Kuvend per pensionet, korrupsionin, kartat

Opozita kerkon qe Kryeministri Sali Berisha te pergjigjet brenda ketij muaji per shkallen e korrupsionit ne vend, per pensionet si dhe per kartat e identitetit. Nenkryetari i Grupit socialist, Erion Brace, tha dje se keto interpelanca kane mbetur pa u zhvilluar me kreun e qeverise, nderkohe qe dorezoi ne Kuvend kerkesen zyrtare qe ato te realizohen brenda javes se ardhshme. “U be tre muaj qe Kryeministri nuk pergjigjet ne Parlament. Ne do te kerkojme me ngulm realizimin e tre interpelancave, per vete rendesine qe kane”, tha Brace. Nenkryetari theksoi se selia roze kerkon qe Berisha te flase per korrupsionin ne Parlament, bazuar ne raportin e fundit te nderkombetareve. “Per shkak te emergjencave qe jane krijuar, depozituam dje, brenda afateve qe parashikoi rregullorja, seancen urgjente me Kryeministrin per ceshtje te rendesishme, nga pensionet e ish-ushtarakeve, korrupsionin e ceshtje te tjera problematike”, tha Brace. Nenkryetari nuk perjashtoi mundesine qe gjate zhvillimit te seances me pyetje me Kryeministrin Berisha, ky i fundit te pyetet edhe per ceshtje te tjera te rendesishme per vendin si problemet energjetike, situata ekonomike apo punesimi.