Shperdorimi i fondeve, rrezikon shperblimet per mesuesit
Nese shkollat kane kryer shperdorim fondesh gjate vitit shkollor, atehere nuk do te mund te marrin shperblimin e performances. Burime nga Drejtoria Arsimore Rajonale e Tiranes thone se shperblimi ne baze te kesaj performance eshte sa 5 per qind e fondit qe ka cdo shkolle. Keshtu, nese ato kane bere shperdorime, atehere kjo do te bjere ne kurriz te mesuesve, te cilet edhe nese do te kene nje performance te shkelqyer, nuk do te marrin shperblimin shtese. Por, do te mjaftohen me 10 mije lekeshin qe pritet te miratoje Keshilli i Ministrave me rastin e fundvitit. Sipas Drejtorise Arsimore te Tiranes, shkollat qe jane treguar te kursyera gjate vitit shkollor, e kryesisht ne dite festash (7-8 marsi, 1 qershori etj.), nuk kane pse te shqetesohen, sepse do te marrin edhe shperblimin ne baze te performances se punes. Ndersa per ata qe nuk kane arritur te ruajne para per kete dite, apo te tjere qe nuk kane arritur te realizojne nje performance te mire, duhet te mjaftohen me shperblimin ne masen 10 mije leke te rinj, pagese qe do te mbulohet nga buxheti i shtetit. Ministria e Arsimit ka hartuar propozimet, te ardhura nga drejtorite arsimore, dhe ia ka paraqitur qeverise. Mesohet se numri i mesuesve, te cilet do te shperblehen ne baze te veshtiresive, oreve te punes, si dhe zonave perkatese, nuk ka qene shume i madh, po te kemi parasysh se ne te gjithe vendin japin mesim rreth 37 mije arsimtare. Ndersa institutet, akademite, sherbimet e ndryshme qe funksionojne si struktura te te gjitha ministrive, apo te ndara me vete, por qe jane shteterore do te perfitojne shperblim per festat e fundvitit. Zv.ministri i Financave tha pak dite me pare se vlera qe kane ne dispozicion keto institucione do te jete e njejte, 10 mije leke te reja, por njekohesisht do te jene drejtuesit, ata qe do te vendosin nese punonjes te ndryshem, te ndare sipas kategorive apo funksioneve, duhet te marrim me shume para. Nderkohe qe nga ky vendim perjashtohen te gjithe ata punonjes buxhetore qe jane te varur nga pushtetit lokal. Pasi ne rastin e tyre vendimin per masen e shperblimeve do te marrin drejtuesit e bashkive, te cilet ne baze te buxhetit te tyre do te percaktojne edhe se sa do te jene shperblimet per festat e fundvitit.
L.Ndoka