PS: Berisha të lërë shpifjet dhe të hapë kutitë

Partia Socialiste reagoi menjëherë ndaj akuzave të kryeministrit Sali Berisha, të hedhura në drejtim të Ramës.
Deputetja e kësaj partie, Ermonela Felaj theksoi se Berisha më parë të hapë kutitë dhe të ballafaqohet me të vërtetat. Ajo i konsideruar si shpifje të gjitha ato që ka deklaruar Berisha.
"Sali Berisha të hapë kutitë dhe ti lërë përpjekjet e kota për ti ikur ballafaqimit me të vërtetën duke ngritur akuza të përbindshme që na turpërojnë të gjithëve për njeriun që kemi kryeministër. Gratë dhe vajzat janë dhunuar e vazhdojnë të dhunohen nga burracakë që mendojnë e flasin për to njësoj si Sali Berisha. Ne i themi hap kutitë". Theksoi deputetja.