PS, Klosi: Procesi i pajisjes me karta, dështim i qeverisë
TIRANE- Partia Socialiste vazhdon të shprehë shqetësimin e saj për procesin e pajisjes së qytetarëve me kartat identitetit. Në emër të grupit parlamentar socialist deputeti Blendi Klosi, nga foltorja e Kuvendit, tha se situata është alarmante dhe bëri përgjegjës për dështimin e procesit “qeverisjen e qeverisë së kryeministrit Berisha”.
“Duhet tu shpjegojmë qytetarëve se në këto ditë të mbetura nga dita e zgjedhjeve, 28 qershor 2009 nuk mund kryehen teorikisht më shumë se 800 mijë aplikime, nga 3.2 milionë zgjedhës që ka regjistri kombëtar. Procesi i hartimit të regjistrit kombëtar, dhe pajisjes me kartat identiteti dëshmon se qeveriset nga një qeveri e paaftë dhe shumë e korruptuar” – tha socialisti Blendi Klosi.
Sipas tij “procesi do të jetë një premtim i pambajtur dhe shumë larg historisë së suksesit të Berishës”
Në emër të partisë më të madhe në opozitë deputeti Klosi përsëriti propozimin e bërë pak ditë më parë nga kryetari socialist Edi Rama :“Të ngrihet një komision parlamentar për mbikëqyrjen e këtij procesi. Qeveria të kontaktojë me një kompani konsulente jashtë qeveritare që të mbrojë interesat e qytetarëve”.
(s.g/BalkanWeb)