PS-PD, sot qendrimi per greven

Dy partite e medha parlamentare, Partia Demokratike dhe Partia Socialiste pritet te vendosin sot ne lidhje me qendrimin e tyre ndaj greves se urise se 10 deputeteve ne Kuvend. Keshtu ne mbledhjet e grupeve parlamentare qe do te mbahen mesditen e sotme dy partite e medha PS dhe PD pritet te formulojne edhe qendrimet e tyre, per sa i perket edhe greves qe tashme ka hyre ne diten e tete te mbajtjes se saj. Qendrimi i ketyre dy partive, qe jane edhe bashkekryetare te Komisionit parlamentare te Reformes Zgjedhore pritet te vij edhe pas kerkesave te reja te shpallura nga deputetet greviste ne lidhje me perberjen e komisioneve te qendrave te votimit. Ne kete menyre vecanerisht PS pritet te dal me nje qendrim ne lidhje me keto kerkesa, duke qene se eshte edhe partia me e madhe e opozites dhe se kerkesat per bashkepunim jane derguar kryesisht lidershipit te saj. Diten e djeshme perfaqesuesit e dy partive te medha kane preferuar te qendrojne ne heshtje per sa i perket edhe kerkesave me te reja te ardhura nga deputetet e Levizjes Socialiste per Integrim, Partise Demokristiane dhe Partise Socialiste '91. Ne fakt ndonese greva e urise e 10 deputeteve ka hyre ne diten e saj te tete dhe gjendja e tyre sa vjen dhe po perkeqesohet kryetari i PS-se, Edi Rama ka preferuar te shmang komentet ne lidhje me kete greve. I vetmi qe eshte prononcuar ne lidhje me grevistet ka qene nenkryetari i grupit parlamentare te PS-se, Erion Brace. Numri dy i grupit socialist ne seancen e pak diteve me pare e ka quajtur greven e urise se deputeteve si nje zgjidhje te tyren personale, si nje forme e drejte proteste e cila vlente per tu respektuar. Por Erion Brace duket se ka shprehur vetem qendrimin e tij personal ne lidhje me deputetet greviste dhe jo nje qendrim te perpunuar te Partise Socialiste ne lidhje me kete ceshtje. Nga ana tjeter Partia Demokratike ka qene me e hapur per sa i perket qendrimit te saj ne lidhje me greven e urise se deputeteve te LSI-se, PDK-se dhe PS '91. Kryetari i kesaj partie, njekohesisht kryeministri Sali Berisha ka bere dy prononcime publike ne lidhje me kete mase te marr nga 10 deputetet. Ne keto deklarata kryeministri Berisha ka theksuar faktin se Partise Demokratike, nuk i takonte te hynte ne negociata me deputetet greviste, duke e quajtur kete greve nje ceshtje te brendshme te opozites. Ne menyre te qarte lideri i PD-se ka theksuar se ai ka bere nje pakt me Partine Socialiste per sa i perket amendimeve te Kodit Zgjedhor, duke qene se PS eshte edhe partia me e madhe e opozites. Sipas Berishes, ai dhe PD-ja nuk mund te benin pakt me partite e tjera opozitare ne kurriz te partise kryesore te opozites, e cila eshte PS. Diten e sotme pritet qe perfaqesuesit e dy partive te medha te shprehin qendrimin e tyre per greven ne seancen parlamentare qe do te mbahet pasditen e sotme. Edhe ne kete seance pritet qe 10 deputetet greviste te qendrojne pa levizur nga pozicionet e tyre te greves dhe te ndjekin seancen qe zhvillohet pikerisht ne ambientet ku ata prej tete ditesh tashme po zhvillojne nje greve urie, per te garantuar edhe ruajtjen e votes se tyre ne zgjedhjet e ardhshme parlamentare.

Fatjona Mejdini