PS: Permbarimi, Berisha shkeli Kushtetuten

Kryeministri Sali Berisha eshte genjeshtar e shkeles i hapur i Kushtetutes. Te pakten keshtu e akuzoi dje selia roze, nepermjet Ylli Manjanit. Sipas tij, kryeministri genjeu kur premtoi se do te ekzekutonte te gjitha vendimet e gjykatave. "Edhe pas premtimit te bujshem te kryeministrit, qe deri ne fund te vitit 2005 do te zbatoheshin te gjitha vendimet e gjykatave, perseri sot ne dhjetor 2008, situata ne kete sektor eshte alarmante. Sipas te dhenave zyrtare, deri me sot figurojne rreth 15 600 ceshtje te regjistruar ne sherbimin e permbarimit per t'u ekzekutuar. Vetem 3 800 prej ketyre ceshtjeve jane ekzekutuar", tha Manjani. Kreu i komisionit te ligjeve ne seline roze, tha se vetem 24% e vendimeve te gjykates se formes se prere, qe sot disponojne shqiptaret ne dore mund te ekzekutohen. "Kjo do te thote se gjithe perpjekjet e shqiptareve per te fituar nje gjyq, qeveria e Sali Berishes i con te gjitha ne lume, duke mos e ekzekutuar", theksoi ai. Sipas Manjanit qeveria as nuk do t'ia dije

per shtet, Kushtetute e ligj. Aq me pak per gjykata apo per te drejtat kushtetuese te shqiptareve. "Shihni ligjin per buxhetin e shtetit dhe do kuptoni, se asnje qindarke nuk eshte parashikuar per pagimin e detyrimeve gjyqesore ndaj qytetareve. Ky eshte shteti qe drejton Sali Berisha", theksoi Manjani. Ai akuzoi se me te tilla menyra, kreu i ekzekutivit po pengon pavaresine e gjykatave, ku ceshtja e zbatimit te vendimeve te tyre eshte emergjence shteterore. Ne keto kushte, selia roze premton se do te permiresoje kete situate dramatike kur ajo te vije ne pushtet. R. R.