PS: Po largohen socialistet nga puna

Pa nisur ende nga puna qeveria e re mes PD dhe LSI, selia roze ngriti dje akuzat se nepunesit mbeshtetes te PS-se ne administrate qendrore dhe lokale, po shkarkohen me pa te drejte. Sekretarja per Marredheniet Nderkombetare ne seline roze, Arta Dade, ngriti dje shqetesimin, se nje fenomen i tille nisi te ndodhe qe pas zgjedhjeve parlamentare te 28 qershorit. Duke shtuar se kjo parti, ofron te gjithe asistencen ligjore per rifitimin e te drejtes se ketyre punonjesve. "Denoncojme largimet nga puna per arsye thjesht politike, te mbeshtetesve te PS-se. Ky akti i paprecedent per nje shoqeri demokratike, tregon edhe njehere mentalitetin e vjetruar te perfaqesuesve te PD-se ne nivel lokal dhe qendror. Jo me larg se dje, struktura te specializuara te Ministrise se Financave, vazhdojne te ushtrojne presion mbi mbeshtetesit e Partise Socialiste, pa kursyer edhe kandidatet per deputete te selise roze", akuzoi Dade. Sipas saj, socialistet nuk do te rine duar kryq perballe veprimeve te tilla, por po njoftojne te gjithe partneret nderkombetare, te cilet do te bejne edhe verifikimet perkatese. Ne keto kushte, Dade theksoi se te gjithe mbeshtetesve te PS-se, do tu ofrohet asistence ligjore, dhe mund te mbeshteten tek selia roze, deri ne rifitimin e se drejtes se tyre. "I bej thirrje Sali Berishes, qe ne rast se nuk eshte ai qe e ka dhene kete urdher, per largimin e mbeshtetesve te Partise Socialiste, t'i udhezoje perfaqesuesit e tij ne nivel lokal, te rikthejne urgjentisht ne pune, te gjithe ata qe jane larguar per motive thjesht politike, per shkak te mbeshtetjes se Partise Socialiste, apo te perfaqesimit te saj ne nivel komisionaresh, apo te grupeve te numerimit", vijoi Dade ne emer te PS-se. Po keshtu, ajo shtoi se nderkombetaret po njihen edhe me te gjitha parregullsite qe u konstatuan ne zgjedhjet parlamentare te 28 qershorit. Dade konfirmoi faktin se iu ka derguar te gjithe partnereve nderkombetare, dosjen e plote me materialet per parregullsite ne zgjedhje. "Ne presim me qetesi raportin perfundimtar te OSBE-ODIHR-it, per te pasur me ne konsiderate, ate cka ata do te shprehin, por gjithsesi edhe per te artikuluar veprimin tone politike", u shpreh ajo. Dade konfirmoi se personalisht, ka qene keto dite ne takime me perfaqesues te trupit diplomatike dhe sigurisht, materiali qe iu eshte vene atyre ne dispozicion, eshte duke u studiuar prej tyre, njekohesisht materiali eshte derguar tek te gjithe partneret edhe parlamentet, sikurse eshte Asambleja parlamentare e OSBE-se, Asambleja parlamentare e NATOS, Asambleja parlamentare e Keshillit te Evropes, perfshire ketu edhe partneret ne grupimet socialiste dhe Social-Demokrate, brenda ketyre organizmave.