Berisha-Bodes: Arsimi, ulni taksat

Tarifat e studimeve te doktoratures per te gjithe qytetaret, te cilet kane interes t'i ndjekin, do jene vetem 200 mije leke. Ky ishte qendrimi qe mbajti kryeministri Berisha ne mbledhjen e djeshme te qeverise, duke kerkuar pergjysmimin e tarifave qe kishte kerkuar Ministria e Financave, per ndjekjen e studimeve te doktoratures. Ky qendrim i Berishes pritet te marre forme te prere, pavaresisht pakenaqesise se shprehur nga ministri i Financave, Ritvan Bode edhe gjate mbledhjes se djeshme te qeverise. Kryeministri nuk nguroi qe ne mbledhjen e djeshme, t'i konsideroje si konservatore qendrimet per rritjen e tarifave per arsimim. "Shqiptaret, kane pasur dy modele, nje model me taksa te uleta qe e votuan dhe modelin e taksave te larta qe e ngujuan ne humbje. Ketu nuk mund te vije modeli qe u ngujua ne humbje, por modeli qe votuan shqiptaret, per taksa te uleta ne cdo gje", theksoi Berisha duke shpalosur edhe qendrimin e qeverise se tij. Nje tjeter kerkese e kryeministrit ishte edhe zgjerimi i numrit te personave, te cilet kerkojne ndjekjen e ketyre studimeve. "Kane vendosur jo vetem tarifen prej 400 mije leke, por kane zvogeluar edhe numrin e atyre qe do te kene te drejte per te mbrojtur doktoraten. Ky numer do te zgjerohet dhe nuk do te mbetet kaq i kufizuar sa e kane percaktuar. Ne kemi dege qe jane ekzotike dhe jane shume te rralle ata qe kane doktorate, per shkak te ketyre qendrimeve konservatore qe mbahen", theksoi Berisha ne mbledhjen e djeshme. Kryeministri deklaroi se vendoja e nje tarife kaq te larte, nuk stimulon personat te cilet realisht kane mundesine te ndjekin keto studime te thelluara. "Kjo behet edhe me e veshtire, ne rast se vendosim tarifen 400 mije leke. Tarifa mund te jete e mjaftueshme edhe 200 mije leke. Nuk mund te kete kompromis me tarifa kaq te larta. Jo te gjithe mund t'i paguajne, por favorizohen ata qe kane", theksoi kreu i qeverise. Pakenaqesise se ministrit te Financave, Ritvan Bode per pergjysmimin e tarifes se doktoratures, kryeministri Berisha iu pergjigj duke marre shembullin e shtetit fqinje Greqise. Sipas Berishes, studentet e universiteteve publike ne Greqi, nuk paguajne asnje takse per te ndjekur studime te thelluara pas perfundimit te arsimit te larte. Kryeministri theksoi se nga keto lehtesira te sistemit arsimore, ishin te shumte ata emigrante te cilet kishin perfituar. Por ne kushtet e Shqiperise, Berisha theksoi se kishte nevoje per nje tarife, e cila duhej t'i paguhej shtetit, por duhej te behej kujdes i madh per te mos e rritur ate, ne menyre artificiale dhe te larget per studentet. Nje jave me pare ne mbledhjen e radhes se qeverise, kryeministri Berisha siguroi te gjithe studentet, te cilet do te nisnin rishtas studimet e larta se nuk do te kishte rritje te tarifes se shkollimit te tyre. Sipas Berishes, kjo mase e marre nga qeveria nuk do t'i rendonte ata dhe do te kishin mundesine ta nisnin vitin e ri shkollore me sa me pak shpenzime. Ne menyre te herepashershme kryeministri Berisha ka kerkuar qe qeveria te kete kujdes me tarifat e studimit. Sipas Berishes, nje pjese e medha e familjeve shqiptare e kane te pamundure per t'i perballuar tarifat e larta dhe ato nuk mund te penalizohen nga e drejta per te studiuar.

Arsimimi

Kryeministri Berisha ka theksuar se arsimi i te rinjve ne vend, do te jete nje nga prioritet absolute te qeverise qe ai drejton. Sipas Berishes, zhvillimi i nje vendi varet ne menyre te drejtperdrejt nga reformat ne sistemin arsimor.

Masterat

Mbledhjet e fundit te Keshillit te Ministrave, i kane hapur mundesine shume studenteve ne vend per te ndjekur ne vitin e ri akademik, mastera te nivelit te dyte. Shume dege masterash jane hapur ne universitetet publike ne vend dhe ato private.

200 Mije Leke do te jete tarifa per te gjithe ata studente qe duan te ndjekin studimet e doktoratures per degen ne te cilen jane specializuar. Sipas Berishes, kjo tarife eshte e pranueshme per vete situaten e vendit.