PS e Korces Kuponet per kartat jepen vetem per militantet e PD

Mungesa e kuponeve per kartat e identitetit eshte denoncuar serish nga dega lokale e PS-se ne Korce sipas se ciles nga ana e postes shqiptare behet shperndarje kuponesh vetem per subjektin politik te Partise Demokratike. Me akuzen se po lihen qytetaret pa karta identiteti per zgjedhjet e 8 majit duke iu mohuar te drejten e votes PS ka thene se keta kupone terhiqen nga posta shqiptare per tua dhene me pas militanteve te djathte. Sekretari organizativ i PS-se Petrika Tollkuci ka deklaruar se kuponet po perdoren per manipulimin e zgjedhjeve. Kuponet per kartat e identitetit terhiqen nga subjekti politik i PD-se per ti shperndare per militantet nderkohe qe jane me dhjetera qytetare te cilet nuk kane nje karte identiteti dhe prane sporteleve te postes shqiptare ju komunikohet se nuk ka kupone. Me urdher te qeverise kuponet po jepen vetem per militantet e djathte duke u mohuar qytetareve te drejten e votes se 8 majit dhe per te manipuluar keshtu rezultatin e zgjedhjeve u shpreh Tollkuci.  Drejtoresha e Postes Shqiptare ne Korce ka hedhur poshte keto pretendime. Ajo ka pranuar se kuponet kane qene ne numer te reduktuar ne kete periudhe por ka mohuar qe ato te jene shperndare vetem per nje subjekt politik dhe jo per qytetaret e thjeshte te interesuar per karten e identitetit. Vertet ka pasur nje numer te kufizuar te kuponeve por kjo eshte zgjidhur me furnizimet sipas kerkesave. Kjo nuk ka te beje me lodhje ndaj politikes dhe ne cdo rast u eshte sherbyer qytetareve. Nuk eshte e vertete se posta po shperndan kupone vetem per nje subjekt politik per efekt te zgjedhjeve tha drejtoresha e postes ne Korce. Por sipas qytetareve qe drejtohen ne sportele ka dite qe edhe pse ata interesohen nuk gjejne nje te tille vetem kupone per pasaporta biometrike. Mungesa e kuponeve prej disa ditesh ka lene dhjetera qytetare pa bere aplikimin per karten e identitetit nderkohe qe kjo mohohet nga ana e sherbimit postar.