PS fton grate te protestojne ne 8 mars

Deputetet e opozitës kanë nisur thirrjet ndaj grave shqiptare për t’ju bashkuar protestës së 8 marsit. Klodiana Spahiu dhe Ermonela Felaj kanë ftuar gratë durrsake të bashkohen në një protestë në ditën që j’u dedikohet tyre. Sipas deputeteve socialiste të gjitha gatër shqiptare duhet të protestojnë në sloganin kundër Sali Berishës “Gratë sot më shumë kurrë”.

Deputetja Spahiu tha se shkaku i varfërisë, papunësisë dhe vuajtjes së grave në mbarë vendin është gjuha e pushtetit, ndërsa deputetja e qarkut të Beratit,  Felaj fajësoi sërisht Berishën për zinë e nënave shqiptare. Ato i bënë thirrje të gjitha grave që në 8 mars të jenë të bashkuara në bulevardin “Dëshmorët e Kombit”.