Pa viza nga 15 dhjetori

Burime konfidenciale treguan per TCH se ne rast te nje vendimi pozitiv nga Keshilli i Ministrave te Brendshem ne 8 nentor botimi ne fletoren zyrtare europiane eshte percaktuar paraprakisht te behet ne daten 14 dhjetor dhe hyrja ne fuqi e tij qe ne sekondat e para pas mesnate ne 15 dhjetor.

Kjo gje u vendos ne mbledhjen e sotme te sekretariatit qe mbulon publikimin e vendimeve te BE-se ne fletoren zyrtare.

Ky percaktim rrezon ate qe thuhej deri me sot se hyrja ne fuqi e vendimit per heqjen e vizave afatshkurtra realizohet 20 dite pas botimit ne fletoren zyrtare duke ndjekur shembullin e 3 vendeve te tjera te Ballkanit nje vit me pare te cilat perfituan nga regjimi pa viza ne 19 dhjetor nje dite pas botimit ne ate kohe te vendimit ne fletoren zyrtare.

Nje lajm tjeter pozitiv eshte ai qe ndikon ne pershpejtimin e procesit dhe qe ka te beje me fillimin e punes se perkthimit ne 22 gjuhet zyrtare te Unionit te propozimit legjislativ te Komisionit menjehere pas votes ne seance plenare te Parlamentit Europian te enjten e kaluar me 7 tetor.

Tashme fjala e fundit per finalizimin e ketij procesi i mbetet ministrave te Brendshem te BE-se te cilet e kane perfshire kete ceshtje ne takimin e dates 8 nentor nen emertimin falls B qe nga fjalori teknik i BE-se ne shqip perkthehet si teme e hapur per verejtje apo deklarata politike nga ato vende anetare qe do ta deshironin nje gje te tille.