Pacientet kurohen ne kushte te veshtira

Qendra shendetesore pa uje, ne lageshtire dhe mungese te pajisjeve dhe mjeteve shendetesore. Kjo eshte gjendja e shendetesise ne jug te vendit. Problematikes se rritjes se numrit te pacienteve, si shkak i temperaturave te uleta ne qendrat shendetesore te Qarkut te Gjirokastres i jane shtuar edhe mungesat qe ndeshin keto te fundit, ne lidhje me infrastrukturen teknike. Sipas burimeve ne Drejtorine Rajonale te Shendetit Publik ne Gjirokaster, pjesa me e madhe e qendrave shendetesore, kryesisht ne zonat malore te qarkut, paraqesin probleme ne lidhje me gjendjen e godinave dhe pajisjen me infrastrukturen teknike. "Ne disa qendra shendetesore ne komunat malore ne rrethet e Permetit, Tepelenes dhe Gjirokastres ka infrastrukture jo te pershtatshme dhe kushte jo te mira higjeno-sanitare", pohojne perfaqesuesit e Drejtorise se Shendetit Publik ne Gjirokaster. Kryesisht ne qendrat shendetesore ne komunat malore te qarkut, mungon uji i rrjedhshem 24 ore, stafet mjekesore punojne ne ambiente te ftohta dhe me lageshti. Mjeket thone se, me rritjen e fluksit te pacienteve, aq me teper ne keto dite te ftohta dimri, jane te detyruar t'i vizitojne ata ne ambiente te ngushta dhe te pamjaftueshme per nje sherbim normal shendetesor.