Padi per 2 zyrtare te Bashkise Fier Klodiana Kotorri

Kontrolli i Larte i Shtetit ka derguar per kallezim penal Drejtorin e Drejtorise se Pergjithshme te Zbatimit te Legjislacionit dhe ish-Drejtorin e Drejtorise se Pergjithshme te Urbanistikes ne Bashkine Fier, pasi ka konstatuar shkelje ligjore ne lidhje me prokurimet me fondet publike. Me ane te nje deklarate per shtyp Kontrolli i Larte i Shtetit beri te ditur dje, se ka ushtruar auditim ne Bashkine Fier per periudhen 1 janar 2011deri me 31 dhjetor 2012 ku ka konstatuar, krahas punes pozitive, shkelje ligjore ne lidhje me prokurimet me fondet publike kryesisht ne zbatimin e kontratave, dhenien e lejeve te ndertimit dhe llogaritjen e arketimin e pagesave per taksen e ndikimit ne infrastrukture. Sipas KLSH per shkeljet dhe mangesite e konstatuara, ky institucion ka rekomanduar 47 masa organizative, 8 masa shperblim demi ne vleren 63 630 534 leke dhe 29 masa disiplinore per personat shkaktare-pergjegjes. Per keto shkelje, Kontrolli i Larte i Shtetit ka bere kallezim penal ne Prokurorine e rrethit Gjyqesor Fier per shtetasin me iniciale M.G., ne cilesine e ish-Drejtorit te Drejtorise se Pergjithshme te Urbanistikes dhe te ish-Sekretarit te KRRT-se te Bashkise Fier. Gjithashtu eshte bere kallezim edhe per L.Ç, Drejtor i Drejtorise Pergjithshme te Zbatimit Legjislacionit per hartimin e Akt-marreveshjes per “Shtyrjen e afatit te pageses se ndikimit ne infrastrukture” te pa bazuar ne ligjet ne fuqi, duke sjelle te ardhura te munguara per Bashkine Fier ne nje vlere prej 38.146.594 leke. Sipas KLSH, Bashkia Fier nuk ka parashikuar ne vendimin per taksat dhe tarifat vendore per vitin 2011, pagesen e 1% te vleres se preventivit, si takse e ndikimit ne infrastrukture e cila shkon per financimin e studimeve urbanistike te pushtetit vendor. Ne 8 raste, Bashkia ka pajisur me leje ndertimi, pa shlyer me pare taksen e ndikimit ne infrastrukture, ne vleren 38.146.594 leke, si rrjedhoje e nje kontrate te pa mbeshtetur ne ligj, nenshkruar midis Bashkise Fier dhe subjekteve private te ndertimit per pagesen me keste te kesaj takse, me pasoje dem ekonomik ndaj Shtetit.

Shkeljet e konstatuara:

1.Bashkia nuk ka parashikuar ne vendimin per taksat dhe tarifat vendore per vitin 2011, pagesen e 1% te vleres se preventivit, si takse e ndikimit ne infrastrukture e cila shkon per financimin e studimeve urbanistike te pushtetit vendor. Ne total, vlera e takses se 1% arrin ne 61.050.251 leke, e cila eshte e pa llogaritur ne formularin e perllogaritjes se takses se ndikimit ne infrastrukture sipas ligjit.

2.Ne 8 raste, Bashkia ka pajisur me leje ndertimi, pa shlyer me pare taksen e ndikimit ne infrastrukture, ne vleren 38.146.594 leke, si rrjedhoje e nje kontrate te pa mbeshtetur ne ligj, nenshkruar midis Bashkise Fier dhe subjekteve private te ndertimit per pagesen me keste te kesaj takse, me pasoje dem ekonomik ndaj Shtetit.

3. Nga Inspektoriati Ndertimor Urbanistik i Bashkise jane marre 33 vendime pezullimi per ndertimet pa leje, nderkohe ndaj personave kundervajtes nuk jane vendosur masa administrative me gjobe ne shumen 2 000 000 deri 5 000 000 leke.

4.Mos-zbatimin e planit te pergjithshem rregullues ne dhenien e lejeve te ndertimit, lidhur me numrin e kateve te miratuara ne vendimet perkatese.

5. Pagesa te kunderligjshme per paga te personelit ne vleren 1,780,000 leke, duke miratuar ne strukturen e ketij institucioni 7 Drejtore te Pergjithshem, ne vend te “Drejtore Drejtorie”.

6.Gjendja e larte debitore per 204 subjekte ne vleren 7,801,471 leke, nga te cilat 129 subjekte te biznesit te vogel ne vleren 1,982,891 leke dhe 63 subjekte te biznesit te madh ne vleren 5,818,580 leke.

7. Nga Drejtoria Juridike e Bashkise, nuk jane zbatuar e ndjekur hapat ligjore per kerkimin e arketimit te detyrimeve ne vleren 52,793,346 leke, duke mos zbatuar shumicen e rekomandimeve per shperblim demi, te derguara nga KLSH.