Paloka: Do kandidoj per kryetar i PD, Tirane

Paloka do te jete kandidatura e trete per postin e kreut te demokrateve te Tiranes. Deputeti i Partise Demokratike, njekohesisht anetari i kryesise se kesaj partie, Edi Paloka deklaroi diten e djeshme se ishte i gatshem per t'u futur ne garen per kryetarin e PD-se, ne degen e Tiranes. Keshtu ne nje prononcim per mediat, Edi Paloka theksoi se pas nje konsultimi qe duhej te kryente me strukturat e Partise Demokratike, ai do te hynte zyrtarisht ne garen per kreun e partise ne kryeqytet. Sipas Palokes, statusi i PD-se linte si opsion konsultimin me strukturat, per kete kandidim dhe ai kishte vendosur ta zbatonte kete propozim. "Eshte nje detyrim statusor qe te propozojne seksionet. Mund te dilja edhe une ta shpallja kandidaturen, nuk me ndalonte askush, eshte e drejte e gjithsecilit. Por kam pritur per te pare, nese realisht anetaret e Partise Demokratike me mendojne si nje mundesi, per ta drejtuan degen e Tiranes", deklaroi Paloka dje per mediat. Sipas tij, dega e Partise Demokratike ne Tirane eshte nje dege e rendesishme per zgjedhjet dhe kandidimi vjen ne momentin kur ke bindjen e sigurt se nuk do te deshtosh. "Kjo eshte nje dege qe nese e merr persiper duhet te jesh i bindur qe nuk do te deshtosh. Eshte nje dege qe te detyron suksesin. Une jam gati qe ta marr persiper drejtimin e deges se Tiranes", deklaroi Paloka ne fjalen e tij, ne lidhje mbi kandidimin per te marre drejtimin e PD-se se Tiranes. Duke e cuar ne tre, numrin e kandidaturave per te pasuar kryetarin aktual, Olldashi ne krye te deges se PD te Tiranes, me e rendesishmja ne vend.