Panairi i Rroshnikut, festë për fermerët, ekspozojnë produktet e tyre bio

I kthyer në traditë prej 5 vitesh, është organizuar sërish në Berat “Panairi i Rroshnikut” ku u mblodhën produktet bio të 13 fshatrave të zonës, që njihen për kultivimin e frutave dhe prodhimin e verës e rakisë.

Fermerët sollën fiqtë e famshëm të Rroshnikut,por edhe fruta të tjera ku dallojnë arrat dhe bajamet.

Promovimi i produktve “bio” të zonës ishte edhe qëllimi i këtij panairi,që këtë vit mblodhi rreth vetes edhe turistë të huaj.

Rroshniku,me 13 fshatra dhe 4 mijë banorë njihet për prodhimet e tij “bio” sidomos në pemtari dhe veçanërisht për rrushin dhe fiqtë. Ndodhur nën malin e Tomorrit,kjo zonë ka kushtet e favorshme për kultivimin e fruta-perimeve,prodhimin e verës dhe rakisë.

Gazetare: Megi Mëhilli

/rtsh.al/