Papandreu: Zgjidhje të shpejtë të çështjes së Qipros

Kryeministri grek, Jorgos Papandreu kërkoi zgjidhje të shpejtë të problemit të Qipros. Gjatë një konferencë të përbashkët shtypi me kryeministrin turk Rexhep Tajip Erdohan, Papandreu theksoi se Greqia dëshiron të shohë një bashkëjetesë të qetë mes dy komuniteteve në Qipro, me një zgjidhje praktike dhe të vetme.
 

“Greqia dhe Turqia do të punojnë për të dhënë një perspektivë të re për zgjidhjen e problemit të Qipros”, theksoi ai.
 

Qipriotët grekë dhe ata turq janë angazhuar që nga shtatori 2008 në negociata të drejtpërdrejta për të gjetur një zgjidhje për ribashkimin e vendit, i ndarë që nga ndërhyrja turke në ishull, në vitin 1974. Qiproja është një shtet anëtar i BE-së që nga maji 2004.