Parandalohet një ngjarje kriminale në Kukës, dhunuan me sende të forta të afërmin e tyre, arrestohen babë e bir

Një ngjarje e mundshme kriminale është parandaluar në Kukës, ku në pranga janë vënë dy persona.

Ngjarja ka ndodhur në fshati Kosharisht, ku gjatë një debati për motive të dobëta, babë e bir kanë dhunuar me sende të forta të afërmin e tyre.

Në pranga përfunduan M. M., 53 vjeç, dhe B. M., 18 vjeç, të cilët dhunuan me sende të forta të afërmin O. K., 50 vjeç, banues në Tiranë.

Ata e kanë goditur 50-vjeçarin në hyrje të fshatit duke i shkaktuar dëmtime.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Kukës, për veprime të mëtejshme.

/rtsh.al/