Parlamenti suedez miraton anëtarësimin në NATO, por pret veton e Turqisë

Parlamenti suedez miratoi të mërkurën (22 mars) anëtarësimin e vendit nordik në NATO. Anëtarët e Asamblesë më të lartë vendimmarrëse në Suedi votuan me 269 vota pro dhe 37 kundër, një tekst që miraton pranimin e Suedisë në Aleancë.

“Aderimi në NATO është mënyra më e mirë për të mbrojtur sigurinë e Suedisë dhe për të kontribuar në sigurinë e të gjithë rajonit euroatlantik”, argumentoi ministri i Jashtëm Tobias Billström gjatë debatit para votimit.

Miratimi, i cili pritej për shkak të mbështetjes së shumicës së partive, tani për tani mbetet pa efekt për Suedinë.

Stokholmi ka marrë një “goditje” pasi Finlanda fqinje, e cila aplikoi në të njëjtën kohë me Suedinë majin e kaluar në vazhdën e pushtimit rus të Ukrainës, tani është në një pozicion shumë më të mirë për t’u bashkuar me NATO-n së shpejti.

Hungaria do të ratifikojë anëtarësimin finlandez të hënën e ardhshme, ndërsa presidenti turk Rexhep Tajip Erdogan dha dritën jeshile, me një votim parlamentar për ratifikimin e anëtarësimit

Budapesti dhe kryeministri nacionalist hungarez Viktor Orbán nuk kanë caktuar datën përkatëse të votimit për Suedinë dhe Erdogan po i qëndron vetos.

Ankaraja akuzon Suedinë për strehimin e luftëtarëve “terroristë” kurdë dhe refuzimin e ekstradimit të njerëzve, një proces ku drejtësia suedeze e ka fjalën e fundit./ CNN.gr

/rtsh.al/