Partia Demokratike mbledh Konventën për bujqësinë

Partia Demokratike mbledh sot pasdite Konventën e cila do të jetë e fokusuar në programin për bujqësinë.

Konventa do të zhvillohet në orën 16:00 ndërsa pritet që kryeministri Sali Berisha të shpalosë vizionin e Partisë Demokratike për sektorin e bujqësisë.

Më herët kryeministri Berisha gjatë takimeve me fermerët  ka theksuar se sektori i bujqësisë do të mbetet prioritet për Partinë Demokratike edhe në 4 vitet e ardhshme.

Kryeministri ka premtuar se në 4 vitet që vijnë do të trefishohen grantet për fermerët  si dhe do të happen vende të reja pune në këtë sektor të rëndësishëm për ekonominë e vendit.