Partia e Lirisë dhe deputetët e PD që përkrahin Berishën kërkojnë mocion me debat në Kuvend me drejtuesit e ERE

Partia e Lirisë dhe deputetët demokratë që përkrahin Sali Berishën kanë dorëzuar në Kuvend një kërkesë për mocion me debat me drejtuesin e ERE-s lidhur me rritjen e çmimit të energjisë mbi fashën 800 kwh.

Kërkesa është firmosur nga 4 deputetët e Partisë së Lirisë dhe 11 deputetë të PD përkrahës të Berishës. Në kërkesën drejtuar kryetares së Kuvendit, Lindita Nikollla deputetet theksojnë se modeli i financimit të sistemit të energjisë dhe administrimi i tij ka dështuar dhe se nuk po bëhet asgjë me humbjet  energjisë në rrjet që vijnë nga keqmenaxhimi.

Deputetët theksojnë gjithashtu se rritja e çmimit të energjisë mbi fashën 800 kwh do të prek 80 mijë familje.

Më herët qeveria vendosi që të mos nis zbatimin e fashës deri në 800 kwh për muajin tetor me arsyetimin se rezervat hidrike janë përmirësuar dhe se qytetarët janë ndërgjegjësuar të kursejnë.

/rtsh.al/