Partizani merr 3 pikat e para në fushën e vet

Tiranë - Duket se Partizanit i është duhur të vijë në fund të këtij viti për ta marrë edhe tre pikët e para në fushën e tij në këtë kampionat. Kryeqyetetasit kaën arriturt të fitojnë 2-0 ndaj Flamurtarit të Vlorës duke grumbulluar kështu 13 pikë në total. Ka qenë mesfushori shtatlartë Dritan Babamusta ai që ka shënuar në minutën e dytë për Partizanin. Pas këtij goli loja është kontrolluar nga kryeqytetasit, të cilët kanë pasur edhe raste të tjera për shënim.

Në pjesën e dytë skuadra e Partizanit ka dyfishuar rezultatin me anë të mesfushorit Hallaçi, i cili ka shënuar në minutën e 62-të. Flamurtari ka pasur disa raste në pjesën e dytë për të shënuar, por sulmuesit Mema dhe Brajkoviç kanë qenë të pasaktë para portës.