Pas festave – Tirana i kthehet përditshmërisë, administrata nis punën

Është dita e tretë e vitit dhe kryeqyteti po i rikthehet normalitetit. Rrugët e Tiranës janë gjallëruar, lëvizjet me automjete janë shtuar edhe bare kafet kanë nisur të frekuentohen në këto ditë të para të Vitit të Ri.

Pas pushimeve të fillim vitit kjo e mërkurë shënon nisjen e punës në administratën shtetërore por edhe në njësitë tregtare të cilat kanë hapur dyert për klientët e tyre.

Duket se kryeqyteti i është kthyer përditshmërisë . Qytetarët i janë kthyer punës dhe gjithashtu edhe pjesa më e madhe e bizneseve tashmë janë hapur. Nxënësit do ti gëzohen pushimeve edhe këtë javë për të nisur 3 mujorin e dytë në fillim të javës së ardhshme. 

/RTSH/