Pascal Gallet, në Tiranë për Chopin 2010

Në venbin tonë kanë startuar aktivitetet për vitin Chopin 2010. Për publikun do të jenë artistë të njohur shqiptarë dhe të huaj, të cilët do të përformojnë për publikun. Kështu në vijim të aktiviteteve do të vijë një tjetër koncert, kësaj radhe i pianistit francez Pascale Gallet. Nuk do të mungojë edhe një konkurs për pianistët e rinj shqiptarë, i cili do të zhvillohet në

 Akademinë e Arteve në Tiranë. Pas shpalljes së fituesit të këtij konkursi në muajin prill, muajt në vijim do të vazhdojnë me koncerte për piano nga instrumentistë të ndryshëm shqiptarë e të huaj. Ndërkaq për muajin tetor është parashikuar edhe botimi i biografisë së Shopenit, shkruar nga Antoni Grudzinksi nën përkthimin e Leonard Zisit, etj. Ndërkohë që artisti Gallet ka qenë dhe më parë në Tiranë. Para disa kohësh në skenën e Akademisë së Arteve i ftuar nga Cameratatirana, Pascal Gallet i konsideruar nga kritika ndërkombëtare si një nga më të famshmit e brezit të tij erdhi për një koncert. Në program ishin vepra të njohura nga Janacek, Messiaen, Chopin. Dirigjent i ftuar i këtij koncerti ishte z.Zhani Ciko. Pascal Gallet, i lindur në Francë, studimet për piano i ka ndjekur që në vogëli. Në moshën 10-vjeçare është shfaqur për herë të parë në një emision televiziv, ndërsa më pas ka ndjekur Konservatorin Superior të Muzikës në Paris. Në vitin 1987 vlerësohet me çmimin e parë. Deri më sot, ai është vlerësuar me një seri çmimesh ndërkombëtare, duke përfshirë Viotti-Valssosia, çmimin e Ministrisë së Kulturës, Porto, Trapani, Vierzon etj. Pascal Gallet është prezantuar në skenat botërore si solist, por edhe në aktivitete të ndryshme, i shoqëruar nga orkestra franceze, por edhe ato britanike, e të Meksikës; ka interpretuar me Calgary Philharmonics etj. Gjatë karrierës së tij ka bashkëpunuar me disa nga artistët më të njohur francezë.