Pato: Do jepja jetën të shënoja në derbi

Tensioni sa vjen e shtohet para ndeshjes së të shtunës ndërmjet Milanit dhe Interit në Derbin e Madoninës, ndërsa Aleksandre Pato nuk e ka fshehur dëshirën për të shënuar kundër zikaltërve. "Mendoj se Interi është skuadër e fuqishme, shumë e fuqishme. Ka fituar Skudeton dhe ka treguar kualitet të lartë". "Por Milani nuk është inferior. Fitorja në derbi është shumë e rëndësishme. Mund të të japë vetëbesim dhe ndihmë për ta shtuar vetërespektin".
"Gjatë ndeshjeve parasezonale na konsideruan të vdekur, mirëpo nuk është ashtu. Dhe do ta dëshmojmë këtë. Çfarë do të jepja të shënoja kundër Interit? Jetën time. Futbolli është jeta ime. Është gjithçka",- ka thënë braziliani për "La Gazzetta dello Sport".