"Pavaresia, shuan nacionalizmin serb"

Kthimi i Kosoves nen Serbi, pas tete vjeteve te protektoratit nderkombetar, do te ishte vendim jo i moralshem, ndersa pavaresia e Kosoves nuk ishte vetem e deshiruar, por edhe hap i domosdoshem per te shuar nacionalizmin agresiv serb. Keshtu eshte shprehur ish-ndermjetesi ne bisedimet per statusin e Kosoves, Volfgang Icinger. Ai bashke me publicistin Veton Surroi dhe Lordin Padi Eshdaun kane marre pjese ne debatin per pavaresine e Kosoves, i cili u zhvillua ne Londer, nen organizimin e "Royal Geographic Society". Treshja Surroi-Eshdaun-Icinger ka paraqitur mocionin mbrojtes per pavaresine e Kosoves, duke iu kundervene treshes se perbere nga Misha Gleni (autor i librit "The Fall of Yougoslavia"), Sir Ivor Roberts (ish-ambasador britanik ne Jugosllavi) dhe Dragan Zupanjevac (i ngarkuari me pune ne ambasaden serbe ne Londer). Gleni nderkaq, ka vleresuar se shtetet qe tashme e kane njohur Kosoven, nuk do ta kthejne prapa vendimin e tyre. Pervec kesaj, ai ka shtuar se, "pavaresia e Kosoves krijon me shume probleme sesa qe i zgjidh ato". Sipas tij, Kosova nuk ka kapacitete per t'u veteqeverisur, ndersa ka theksuar se me njohjen e Kosoves, i eshte mundesuar Rusise te njohe pavaresine e Osetise Jugore dhe Abkhazise. Padi Eshdoun nderkaq, rastin e Kosoves e ka krahasuar me ate te Irlandes Veriore, ndersa ka thene se me humbjen e Kosoves, Serbia eshte dashur te paguante keqqeverisjen ne Kosove, respektivisht vrasjet qe i kishin bere skuadrat vrastare te Milloshevicit. Ai po ashtu ka hedhur poshte krahasimet ne mes te Kosoves dhe rajoneve separatiste te Gjeorgjise, sepse sipas tij, ato asnjehere nuk kane qene nen protektorat te OKB-se. Dhe perderisa panelisti tjeter, kundershtar i pavaresise se Kosoves, Dragan Zupenjevac, ka tentuar te argumentonte "joligjshmerine" e pavaresise se Kosoves nepermjet akteve ligjore nderkombetare per mosndryshimin e kufijve, publicisti Veton Surroi ka thene se "Kutia e Pandores" nuk eshte hapur me pavaresine e Kosoves, por me shperberjen e Jugosllavise.

Debati qe ktheu bindshmerine mbi mevetesine

Ne nje votim direkt qe ishte zhvilluar para debatit, 275 vete kane qene te pavendosur rreth mocionit, "kemi gabuar me njohjen e pavaresise se Kosoves". Ndersa 171 kane votuar pro dhe 184 kunder. Nderkaq, pas debatit rezultati ishte: 22 te pavendosur, 311 pro dhe 364 kunder ketij mocioni. Pra, ne fund kane fituar mbeshtetesit e pavaresise se Kosoves duke permbysur keshtu rezultatin qe ishte zhvilluar nga "Royal Geographic Society".